話咁快又到左一年一度搞OCAMP嘅日子。雖然OCAMP出事上新聞係必然嘅事,只係估唔到今年係招生階段就成事。為左搶人入暗O(私下搞唔係學生會搞果隻,好似係)而打交,估唔到係讀書讀得吓,上到大學嘅所謂精英份子所做嘅事。OCAMP本意應該係方向引導(Orientation),但係而家嘅OCAMP除左擾民講粗口玩到癲同等扑野之外基本上係一無是處。到底OCAMP仲有咩存在價值?

有個活動比人班將來嘅同學仔認識下減低下陌生感本身係好事,可惜既係總有比下半身主導嘅人會借OCAMP既機會去搵獵物。OCAMP淫亂唔係我亂講,隨便捉個大學生或者每年咁上下時間睇下報紙上個高登都知OCAMP唔意淫嘅野唔玩。再加上新生嘅埋堆心理,對於存心搵食嘅師兄嚟講OCAMP仲好過老蘭--唔洗錢,自動埋身,任揀。香港大學生高分低能唔係第一日知嘅事,遇到壞人唔識得叫救命,最後比人搞完就自己喊苦喊忽。大學自身咁放縱一班乳臭未乾嘅細路,然後話依個係學生嘅自由,佢地識諗?首先,你咁著重自由大學生係學校平反六四你點解要阻?其次,到底你係唔去管,定唔識點管?

入大學唔玩OCAMP就好似搞到走寶咁,就算玩嘅野再難頂,明知所謂組爸十個有七個係為獵食而嚟,每年都有一車車無知嘅港女大學生自動入營等待「寵幸」。社會對OCAMP咁反感唔會係空穴來風,出街食飯坐車都要忍你班痴線嘅大學生係公眾地方亂尻咁叫口號,忍你係人情,屌柒你就係道理。大學身為最高學府,眼見混亂營而當作不見係咪就係叫自由?搞OCAMP嘅組爸組媽們捫心自問真係想引導師弟妹去正確方向定係你間房?如果入大學就係為咗比人玩,比人當性工具,點解你一開始就唔去做雞呢?