廉署調查梁振英,啊唔係,係黎智英,醉翁之意不在入罪--商人捐錢俾政黨,天經地義,賄賂冇望執政嘅萬年在野黨,傻的嗎?

咁廉署入黎智英屋有咩效果?就係定調。只睇標題嘅理性中立人士一望標題,嘩,黎智英畀人查喎,唔使審,實係有罪。呢種就係国民黨最擅長嘅「烏賊戰」:以最近嘅台北市長選戰為例,連公子搵幾隻嘍囉用啲無傷大雅之事抹黑對手柯文哲醫生,一時話佢苛刻護士,一時話佢醫術不佳,呢啲無厘頭嘢當然即時被澄清,但SO WHAT?理性中立人士望到標題,喔,原來柯P咁衰。

香港曾幾何時勝在有ICAC,依家港府淪為同国民黨一樣,廉署亦工具化,令人感傷。