[開戰]去完平機會諮詢會,老實講,我對在場本土派好失望。我地要分清目的同手段,抗爭方法只係手段,(響唔抵觸人權下)有助目的嘅就係好,冇助嘅就係冇用,甚至壞(因為佢浪費左你嘅精力時間,令你失去使用有效手段嘅機會成本)。唔係話和平理性非暴力非粗口,就一定好或者唔好;同理,武勇唔代表一定好,要睇佢有冇效。

例如話今日施麗珊發言時間超過3分鐘,主持卻扮哂蟹,眾人鼓噪令主持阻止佢超時,呢個就係有效嘅鼓躁。

今日諮詢會,目的係咩?大家講返個自己嘅理據俾平機會聽,對家講左咩柒嘢,都可以彼此指正。問答環節得一粒鐘,場內仲要咁少人,大家快快趣趣講完,聽埋對方解釋/謬論,返屋企打文屌對家或平機會,唔好?你響場度鼓噪,嘈到所有人都少左發問時間,有咩好處?

同人對疊,最重要嘅永遠唔係說服對方,而係說服村民。今日施麗珊發言時,班本土派鼓噪左成5分鐘,令佢唔出聲揸咪企響度,幫佢拉布,有咩好處?係咪咁拉下布,呢項AGENDA就下次再議?你唔比施麗珊講嘢,你邊有位屌佢?依家大家唔係講以理服眾㗎咩?施麗珊派完膠,咪可以交俾下一位發問者,本土派又有位恥笑佢,部份中立村民可能見到佢表現反而開始偏向本土,大家開心。你嘈住佢唔俾佢講,村民點諗?冇乜點諗,佢都唔知你知乜,覺得你班人好嘈咋。你傳唔到教俾人,就鬧人港豬,咁同班鬧異教徒落地獄嘅耶撚有咩分別?

唉….大家可唔可以爭氣啲…..