唔知點解特別唔鍾意聽舊歌,可能做開創作,硬係要諗些新嘢先至有一種所謂存在感!而家已經係2014年,再用舊歌當新歌聽, 其實有點兒那個, 我意思係舊人唱舊歌扮新歌出新碟那種!

最近陳慧嫻翻唱一些舊歌, 照道理新人唱舊歌是用舊歌來襯托新人,起碼唔識新人都識首舊歌,但點解陳慧嫻久休復出都唔大膽嘗試用新歌帶起香港樂壇,無膽? 無budget?定抑或九十後反正都唔識陳慧嫻係邊個,更可以將首舊歌當新歌新人去sell,到時一個唔覺意大賣就可以做到本少利大!

喂! 大哥! 咁就死得啦! 現在所謂樂壇根本有邊首新歌都噏唔出,何來樂壇? 我承認舊歌無論在旋律或編曲上都比較好, 但只是相對性, 例如, 八九十年代每一個月可以創作到一百首新歌, 而現在只有五六首,要彈出一些好歌一定是以前為多,這是機會率的問題,亦都是機會的問題!

現在的製作人根本沒有膽量去擴大創作新歌,何來能提高彈出一些好歌的機會!你話新人唱新歌無人願意買碟或付費download,咁舊人唱多些新歌都可以掛!

作者: 亞聯油