張融日前抨擊622公投可以用假身份證號碼重覆投票,公信力不足;轉個身來射個三分波,自己搞街站收集反佔中簽名,雖可驗証身份證(但遊客兒童均可簽名),卻連張融本人亦承認無法杜絕重覆簽名。咁你之前對公投公信力嘅質疑即係點呢?Again,呢個係邏輯問題。

目前香港政治論戰大多無法上升至政治理念之爭,經常停留於基本邏輯層次中,糾纏不清,實在令人傷感。例如林鄭表示「愛国愛港係底線」,大家都心中有數,當中共叫你愛国,即係叫你愛黨。如果真係只係愛中國,港人唔會咁大反彈(雖然我唔愛中國,但我唔反對大中華派政客做特首)。林鄭如果真心相信「愛國愛港係特首必須條件」,大可以向港人解釋「愛國不等如愛黨」,咁佢敢唔敢?唔敢。或許學習律師公會會長,直接向港人表態「我好愛共產黨,我認為愛黨愛港係底線」。咁佢敢唔敢?又係唔敢。於是佢所有關於政改嘅宣傳都顯得口不對心,內在邏輯不一致,更談不上甚麼政治理念。大家都怪林鄭,但我反而可憐佢;行政治除咗求務實,亦需追求理念,有乜慘得過一個自己都唔信自己講梗嘅嘢嘅政客?

今朝聽商台節目,有位女主持好勞氣咁講:「反佔中冇問題,大家都有表達意見嘅自由,但你可唔可以用邏輯同常識嚟講嘢?大家明知泰國紅衫君係軍隊政變,你地成日將佔中比喻成泰國亂局,係咪真心認為佔中嘅人會攞枝槍出嚟掃射行人?」Exactly。香港最大嘅政治問題,唔係社會撕裂,而係大家缺乏最基本嘅邏輯同常識。意見不同乃常有之事,正常民主社會中,一眾持份者圍埋一圈坐低,攞事實出嚟,用邏輯傾個互有妥協嘅方案出嚟。依家大家都唔講道理,傾乜春?

今朝CY話會「以私人身份」簽名反佔中,又LOOP多次「佔中違法」,Thx for sharing,你知唔知公民抗命By definition係違法㗎?我知你忙於請假,but please,你可唔可以用15分鐘睇一睇梭羅嗰篇「Civil Disobidence」嘅講稿?如果你反對人地食魚生,你應該攞理據出嚟說服人:「雖然XX壽司聲稱生食可保存更多營養,及魚生含有Omega 3魚油,但魚生有寄生蟲機會極高,加上不少海洋產品受汞污染,所以我認為魚生弊大於利,並不鼓勵市民食用魚生。」而唔係好似人肉錄音機咁不停LOOP:「魚生係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅係生嘅」

挑,撚唔知阿媽係女人咩?