其實中共治理香港好簡單,因為香港人一向都係見風駛悝。
好多時候既遊行示威都係利益受侵犯嘅團體/人先出嚟講野,簡單啲嚟講,香港人示威嘅程度有三種:
第一種:唔撚示威嘅人。
第二種:係咁咦示威吓嘅人。
第三種:為民主犠牲嘅人。
第一種係唔撚示威嘅人,呢種人多數係覺得唔撚關佢事或者係既得利益者。
我係第一種人,係第一種人就要坦白。
我連一次遊行示威都無去過,因為我覺得其實唔撚關我事。
如果要我學國民教育,我無乜問題,頂多我嗰堂訓覺。
HKTV我係可睇可不睇,另外好多嘢例如高鐵、23條、反東北嗰啲……
我係知道呢啲事嘅發生,但係我唔去。
因為的確係我唔想理,沉默係我嘅選擇,你地鍾意可以屌鳩我。
但係我想講其實香港人大多數都自私,我只係誠實 ,我唔想變第二種人。

第二種人,係香港大部分講「民主」嘅人,好多時候都係打吓飛機,上吓高登dislike吓啲支那post咁。
好多時候做嘅野都係點到即止,我唔明點解佢哋仲可以係咁姨七一係條街度行個圈,仲可以咁撚厚面皮,話唔去七一唔係香港人。
案底又唔敢留,示威又要就住就住,我去同唔去其實一撚樣。
就算七百萬人去哂又點姐?又如何?
今時今日香港人,竟然仲停留喺又要威又要帶頭盔既嘅階段,又示威,又跪低咁,我真係笑撚咗。
如果你真係咁熱血,攞把刀求其隊個官都得。
香港人咁憎CY,今時今日條仆街都未死,證明香港人幾咁熱愛和平。
一日香港人有工返、有錢賺、有屋住、有女屌,香港人只會將民主當係一種活動,行去打咭,上Facebook證明你幾咁民主,或者同啲 friend講下去咗七一有咩體會諸如此類。
如果我將佢地呢種行街嘅行為講做示威,簡直係侮辱咗示威。
如果你仲屌鳩我點解唔去示威遊行,不如問你自己你除咗鳩行叫口號仲做咗啲乜。
至於佔領中環,收撚皮啦,就算有幾撚多個簽名 香港人都係唔撚夠薑。
我唔明點解你哋計較啲簽名數量嚟做乜,即使全城支持佔中,唔撚夠薑就係唔撚夠薑,俾七百萬個簽名你都係唔撚夠薑,已經唔關反佔中事 。
如果你地夠薑一早佔撚咗啦!
唔洗拖咁撚耐,如果香港人夠薑,就唔會有和理非非嘅遊行。
唔好以為反佔中係佔中嘅敵人,其實唔係,而係香港人既懦弱、驚留案底同其他人點睇等等。
主因其實係唔夠薑:如果香港人夠薑,就唔會連反國民教育都搞咁耐;
如果香港人夠薑,香港電視嗰啲運動好多都搞得成。
香港人既嘅心魔係懦弱同案底,唔會做激進行為,於是欺騙自己,以為行下街鳩叫下就係支持民主。
我認為喺香港絕大多數支持民主既人都係咁,所以我做第一種人,係對我自己誠實。

第三種人:你地係香港少數嘅英雄,為民主流血留案底,真心支持你。
可惜你地係極少數人,大部份人只會覺得你搞事 多鳩餘,甚至有人覺得你痴撚線。
比第二種人話你戇鳩,咁真心為民主做乜,其實第二種人先真係唔掂。
因為佢地仲係覺得唔犯法,鳩UP下就可以有民主,你地係少數清醒既人,真心支持你!

 

作者:BB

圖片來源:VOA News