玩膠方法沒有誰比誰高尚,既然有人提出讀書防線,咁我就嘗試提出J圖防線(直接播放AV有機會觸犯《淫褻及不雅物品管制條例》 ,所以我唔鼓勵大家咁做,但你要做我都阻止唔到)。

想感化別人,就必須從佢哋嘅角度出發。當今時勢,好仔唔當差,中五會考得幾分嘅人都可以去做,我就唔覺得佢哋會鍾意讀書喇!咁佢哋鍾意啲咩呢?血氣方剛嘅男人,通常都難過美人關,滿腔慾火梗係俾J圖佢睇!所以,Make love no war!企係玻璃門前,舉起你嘅手機(唔係燭光),或者平板電腦(效果更佳),再唔係實體寫真集或海報都得(唔鼓勵大家用膠紙貼上玻璃,搞到佢搣又搣唔到,J又唔打得,又唔可以擰轉面,咁樣做好缺德),總之大大張J圖俾佢睇,我肯肯定凡係有J嘅人都會望兩眼。

其實咁樣係間接保護抗爭者,唔知大家有冇聽聞過奧運選手係賽前都有好強攻擊性,反而不利比賽,所以選手村會派安全套,俾佢哋賽前出火,調節攻擊性。試想下,準備Happy Friday嘅佢可能果日本來休假,可以去蘭桂坊同班洋腸決一高下,諗住成功爭取港女食返本土臘腸,甚至乎請咗幾日假去大陸天上人間玩返晚。點知因為上星期五俾示威者衝一衝,高層命令所有休假取消,嬲嬲豬嘅佢出唔到火,帶住一個俾下體指揮嘅腦袋去立法會,見到你班示威者仲唔乘機發洩係你哋身上?(嗚呀,個畫面很腐)不過佢應該係用胡椒噴霧嚟顏射你,而唔係除褲。但呢個時候,如果你好體貼咁比幾張J圖佢睇,緩和對方嘅敵意,等佢精神上有個安慰,甚至稍微分心,可能陣間打人時鬆手啲都唔定。

而J圖嘅道德感召可謂無遠弗屆,由馬會門口睇波睇馬嘅叔伯,到IFC殘廁(或者蘭桂坊)獵食嘅情場男女,甚至砵蘭街嘅雞蟲都可以產生強大共嗚,比起不停問誰人未發聲更有效。仲有機會扭轉輿論焦點,因為千篇一律嘅衝擊畫面播得太多就無法引起觀眾興趣,媒體亦需要新角度去吸引眼球(雖然CCTVB未必敢播)。甚至擴大登報範圍,由港聞版到娛樂版到成人版都有抗爭嘅蹤影,爭取接觸更多群眾,令政治冷感群眾關注是次議題。

620,反東北規劃,保衛我城我地,以J圖拯救世界。立法會見。

作者:J.C

膠登討論區相關post,請按此