本文為2012年當選的立法會議員的簡介,以備諸君下次投票(如尚有)時作參考。有些議員實在沒有任何建樹/事蹟,請參考其所屬政黨之介紹(而且相信諸君亦不會有機會投票給這些人)。

(一) 土共 (二十人)

「無恥無良、低能邋遢,下流賤格」——林彬
任何時候都冇反對的能耐,講就話要爭取XXYY,但阿爺吹雞,立刻跪低(例:強積金對沖、勞工假期與公眾假期睇齊,講咗咁耐得個桔)

王國興

王國興

工聯會 六七暴動/投票取消集體談判權/碼頭工潮、香港電視事件作用為零,全程隱形:
王國興* 日以繼夜夜以繼日寫大字/嗜好:cosplay恐怖份子、立法會開會期間飲奶茶
黃國健* 話王維基未開台已請定幾百人係要佢哋做人質/嗜好:cosplay火影忍者
陳婉嫻 工聯會精神領袖,前九龍東票后/嗜好:去日本旅行
麥美娟 向梁振英呻冇仔溝,梁振英即時答應畀個王老五名單佢/在陳婉嫻(上面嗰位)去日本旅行時提議向日本發黑色旅遊警示
郭偉強 功能組別自動當選,冇人識但有人寄過刀片畀佢
鄧家彪 一樣自動當選,生過大瘡

勞聯 同工聯會一樣,得個名
潘兆平 功能組別自動當選/HKTV事件話因為唔想勞聯分裂所以棄權

民建聯 香港最大黨,於2014年籌款晚會中籌得6838萬(其中2480萬來自拍賣中聯辦主任張曉明之字畫):

黃定光

黃定光

曾鈺成 全民建聯惟一見得人嘅議員,有時會口出狂言,例如指台藏獨立香港會少啲麻煩/立法會主席,多次剪布
陳鑑林* 宦官,貪財(參考:龍獅節)
譚耀宗* 民建聯主席,鷹派
黃定光* 開會訓教/香港電視事件中,「俾人問候娘親」,終於有人識佢(老母)/但話李慧玲係「小爬蟲」,冇人識得
李慧琼* 曾鈺成接班人,民建聯的未來特首候選人(好似係)
陳克勤* er… I will try my breast
葉國謙* 功能組別自動當選/民建聯爛頭卒/把聲都好爛
何俊賢 注意:此人並非何俊仁/佢話代表漁農界喎
陳恆鑌 話反國教學生被政黨利用
梁志祥 注意:此人並非羅志祥/鄉事派
葛珮帆 巴基斯坦大學畢業,唔知佢係碩士定博士
蔣麗芸 政壇元秋,曾率眾佔領郵輪,極不理性
鍾樹根 tree gun,(一度自稱)澳門立法會議員/話選民叫佢投票係政治恐嚇

(二) 新建制派 (十二人)

「超級保皇黨」——田北俊
689在立法會的其他盟友,組成雜亂,受中聯辦操縱

吳亮星

吳亮星

獨立:
吳亮星 功能組別自動當選/曾投訴有人玩lift
姚思榮 功能組別非自動當選/話旅遊業界支持用特權法查香港電視發牌但照投反對
廖長江 功能組別自動當選/阿哥廖長城是行政會議成員
謝偉銓 注意:此人並非謝偉俊/建築、測量及都市規劃界,曾提名梁振英
馬逢國 所謂代表文化界,支持網絡廿三條/反對用特權法查香港電視發牌,鳩噏話會提司法覆核,當然冇發生過

經民聯 一個冇理念,冇人識的組織,口號「工商帶動經濟、專業改善民生」,立法會繼民建聯第二大黨,中聯辦直轄:
劉皇發* 新界王,立法會上一年發言三次
林健鋒 前自由黨,四年前自由黨選舉大敗後退出組成經濟動力,唔知幾時又入咗經民聯,曾提名唐英年
梁君彥* 同上
盧偉國 功能組別非自動當選,曾提名梁振英
石禮謙 少數堅持用英語發言的議員,口裡冠冕堂皇,不過投票時身體卻很誠實/曾提名唐英年
張華峰 代表金融服務界,卻反對查張震遠/曾提名唐英年
梁美芬 鼠王芬,中聯辦正印契女(Youtube參考

(三) 唐營 (六人)

「香港再沒有梁營、唐營、何營,只有香港營!」——689
在唐英年選輸,登基無望的情況下,唐營是否依然存在值得爭辯;但不論如何,唐營中人依然在某些時候會逆政府之意,例如在查香港電視發牌事件一事,支持引用特權法但不索取機密文件

易志明

易志明

獨立:
林大輝* 唐英年家臣,以前幫佢買紅酒/有時會寸吓梁振英(例如在發牌事件炮轟),不過信佢一成,雙目失明

自由黨 N年前良心發作過一次反對二十三條,商家佬代表:
張宇人* 廿蚊張/指為騙取男士侍產假會有女人專登變性同大肚婆結婚/「菠蘿包無菠蘿,菠蘿油更加唔係用菠蘿嘅油製造,雞尾包亦見唔到雞尾」
方剛* 「熱狗係乜嘢呢?老婆餅係咪擺個老婆入去?」
田北俊 良心偶然發作,會講人話
易志明 功能組別自動當選,唔知係乜水
鍾國斌 功能組別非自動當選,不過都唔知係乜水

(四) 騎牆派 (四人)

「在未來入社會工作,看看留下來的法例,便會相信葉局長無呃你……放長雙眼睇啦,各位!」——葉劉淑儀
放長雙眼睇睇呢幾個好似冇咁建制嘅人,結果有三個契弟

梁家騮

梁家騮

新民黨 主打民粹主義,特別鍾意講外傭,呃咗唔少無腦中產:
葉劉淑儀* 廿三條推手,去史丹福鍍金歸港後,港大排名立即超越史丹福/藉紀念殉職警長抽水,要求提升警權/入咗行政會議又成日彈政府施政/其他仆街事蹟太多,不能盡錄
田北辰 拍兩日「窮富翁大作戰」洗底,論相貌遠遠不及其兄田北俊/不斷大數港鐵管理層,但反對以特權法查之,話要「疑中留情」

獨立:

謝偉俊* 中聯辦契仔/曾拍打白韻琴臀部但原來幾十年未曾性交/先前曾提出罷免梁國雄但自己反對,又支持不信任梁振英,但反對彈劾/成功爭取慈雲山有地鐵站
梁家騮* 怪醫,真心建制派,支持平反六四,又坦承中聯辦找過他但不為所動

(五) 投降民主派 (八人)
「呢啲粗口全部都係男人嘅語言嚟㗎,針對女性㗎,我哋一定要站喺女性立場,反粗口!」——黃碧雲
入中聯辦傾政改,最近想靠佔領中環洗底,但在佔領中環選出公投方案後準備割蓆

涂謹申

涂謹申

民主黨 和理非非,大佬文化盛行,出產敗類(如入咗政府嘅馮煒光、支持國教嘅陳莊勤;北上叫雞嘅何偉途、強吻人妻嘅潘志文)
何俊仁 AV仁,人如其名,開會睇J圖/曾被打至豬頭及參選特首/話會辭職啟動公投但冇咗回事
涂謹申 成為全港票王後心高氣傲,淨識搶鏡
劉慧卿 民主黨主席,四方西/長毛指政府當民主派是妾侍,劉慧卿指長毛侮辱女性/因為冇回鄉證所以唔去上海傾政改
胡志偉 九龍東某區議會選區票王,終於做到立法會/絕食十六日,不知何以途中曾歸家
單仲偕 冇做四年,唔知點解又做番/選區議會輸俾袁彌明(兩個又一齊輸俾新民黨)
黃碧雲 與黨主席劉慧卿一同力爭女權,要求非粗口/與單仲偕最近做咗民主黨發言人

民協 扎根深水埗,一出深水埗只得一個有人識:

馮檢基 口號「又傾又砌」,結果跟從民主黨支持密室談判方案,齋傾冇砌

獨立:
李國麟* 民主派最飄忽之人,幾時過咗對面都唔出奇,身先士卒單刀入中聯辦傾計

(六) 和稀泥民主派 (十五個)

「黨魁梁家傑昨指,擔心拉布癱瘓政府運作、影響發放綜援及公屋免租等惠民措施,故此決定不參與」——蘋果日報
不支持密室談判政改方案;但各自有時激進,有時溫和,故稱之「和稀泥民主派」

葉建源

葉建源

教協 民主黨分部:
葉建源 教協激進派,國民教育時支持罷課

街工 扎根葵青區,泛民中實幹之表表者:
梁耀忠 白頭佬/梁粉,不過應該醒咗

工黨 主打爭取工人權益,曾加入2012拉布,卻反對2013拉布,立場左搖右擺:
張超雄 大學講師,「社福界長毛」
何秀蘭 關注少數群體(如同性戀者、性工作者),其他事唔多理(如區議會)
張國柱 社福界代表
李卓人 支聯會骨幹(「愛國愛民,香港精神」)/去聯合國為香港人爭取權益……講錯咗,係為新移民請命,話佢哋受港人歧視

郭家麒

郭家麒

公民黨 大狀黨,主打法律、程序至上主義/曾參加五區公投/黨規鬆散,因此有湯家驊之流:
湯家驊 律師,多次上京與京官談心,反對公民提名(此人比民主黨更投降派)
梁家傑 律師,曾參選特首/黨魁
毛孟靜 傳媒人,公民黨中最本土、民主立場最堅定之人,幾乎所有本土議題,不論大小都會率先見到佢/比起黨友,更愛與范國威合作
陳家洛 大學副教授(因在單張上自稱陳家洛教授而被民主黨黨員舉報),五區公投幕後支持者/娶個波蘭老婆,生咗三個女(請search圖)
郭家麒 醫生,由余若薇推入立法會
郭榮鏗 律師,立法會泛民主派法律顧問,疑似與湯家驊立場相近

公共專業聯盟 公民黨於功能組別之分部:
莫乃光 IT界,提出以特權法查香港電視發牌,加入七個委員會而出席率為100%
梁繼昌 會計界,被文匯報將之與楊繼昌混淆

新民主同盟 因2012政改一役脫離民主黨,扎根大埔、將軍澳,經濟、文化立場非常本土(支持打擊水貨客、反殘體入侵):
范國威 民主派首席設計師(例:普選火鳳凰),常以創新手法示威,提出港人優先議案,因此與毛孟靜一同被各大左報、左膠圍剿

(七) 激進民主派 (四人)

「從來不做地區工作,一班憤青只喜歡譁眾取寵,暴力衝擊吸引傳媒,要落手落腳做地區工作既非興趣」——文匯報
但支持民主外,其他立場南轅北轍,互相有不少牙齒印

梁國雄

梁國雄

社民連 2011年分裂後成為一人黨,左膠集中地,示威常客,全港最多成員上庭的政黨:

梁國雄 長毛,新界東票王,支持包容新移民/N年前反對領匯被千夫所指

人民力量 蕭若元/人網→謎米幕後支持,以反對民主黨密室談判作綱領組成的聯盟:
陳偉業 大舊,從政以來只輸過一場選舉,政壇走位王,與東方日報關係密切,經常為之撐腰
陳志全 慢必,立法會惟一同性戀議員,黃洋達稱不會與其在立法會內應外合/曾為爭普選絕食十日

獨立:
黃毓民 立法會內惟一信奉陳雲城邦本土理論者,惟一有資格稱為演說家者,「酒濃於水」之演說於優酷獲過百萬人觀看/退出人民力量後,在政壇幾近無友,但仍會與其他激進民主派合作(如拉布)

最後,「*」係咩呢?就係當年支持起高鐵嘅人喇

劉病已 (3954)