20140409005155

現時網上漫畫十分流行,大家可以免費即時觀看,不需等到漫畫出版,卻苦了傳統的漫畫店。

在華富邨開業接近二十年的May姐,過年後終於下定決心光榮結業,直言敵不過網上漫畫:「新書都未出佢地(讀者)已經睇左,仲邊有人黎買書租書睇丫。「嚟嘅都只係一班70/80後既讀者,依家娛樂太多喇,會拎住本書黎睇真係冇乜!」

「呢幾年交租都唔夠,只係一份寄託支持我做落去,依家終於可以同人講我退休喇!」

20140409013904

May姐由小學開始已經每餐儲起部份留來買書看,自小已經博覽群書,但最愛看的都是漫畫。開間漫畫店既是她的興趣,同時是她的夢想。說到要結業,May姐都忍不住落淚,說捨不得一班客人,同時也是她的朋友。

「人情第一 賺錢其次」

店主May姐
店主May姐

May姐說,開店賺的不是錢,是一份難能可貴的人情。客人都喜愛來跟May姐聊天,一起分享漫畫小說內容和閒聊。

「好多學生哥每日放學第一件事就係黎搵我吹水,連公開試放榜我都係第一個知成績呀哈哈!」

「賺唔賺錢都係其次,最緊要係d書有人識欣賞,有人同我有共嗚。」

20140409013852

May姐想過把剩低書本捐給慈善機構。「但慈善機構卻要求多多,又要勵志,又要純情,依家連運動系列都話有封條!我都唔知點搞!」「剩下的能賣就賣,依家就好似賣走d親生仔咁,希望佢地搵到個好歸宿啦!賣到幾多,就係我筆退休金黎架喇!」

「我唔係為賺錢,係賺到一份人情咋!」

訪問期間,不少客人來到覓得寶物,都大驚:「呢套/呢本我搵左好耐喇!!!正!」「嘩呢套xxx你都有!」或是有人來問路,May姐都一一耐心解答,十分親切。

隨著時代變遷,漫畫店又是一個夕陽工業,最後May姐說要多謝一班客人和讀者多年來的支持,最緊要保持聯絡,「我都要向時代低頭喇,我最希望大家都會睇多d書喇,唔一定係教科書或者文學,最緊要活得精彩就無憾!」

店鋪位於即將清拆重建的華富邨華光樓706號鋪,店內有不少絕版漫畫和漫畫精品,愛漫畫之人或收藏家有空都可以去一看。或是十分有特色的華富村都是值得去一看的拍攝地點呢。

20140409005107

20140409013955

20140409013915

 

膠登討論區相關討論,請按此