編按:以下數據節錄至文章發佈日 (9/3), 數據只供參考,
在此亦感謝各位一直對港鐵服務差劣而又不斷加價的鼎力支持

maxresdefault

係咁嘅, 相信各位好多都係打工仔, 或者係學生哥, 都要返工返學嘅, 一般唔係做巴膠就鐵膠啦
最近唔知點解有間大企業經常熱衷上報, 佢就係同大家息息相關既政府企業 - 香港鐵路啦

作為本港數一數二只為股東著想既政府企業, “可加可減"都變成"有加無減"既企業良心之下, 拍埋一個又一個自我吹噓嘅廣告改善形像, 但就日日博上報倒米既奇葩。話雖如此, 再加上大家時刻喺返工返學被佢影響下都仲可以欣然接受, 筆者我都好想大嗌一聲, “香港真係始終有你!"

廢話少講, 一齊嚟睇下今年港鐵點樣令大家返工返學都有個難忘回憶啦

一月, 2014

一月故障數量係10次

polymer_mtr1

一月嘅故障集中在星期一至三,而該月最高紀錄喺22號, 同日三宗事故, 中伏綫段分別有輕鐵綫, 東鐵綫同馬鐵綫, 影響範圍為新界東, 西區

1/1, 2:30 – 3:05 pm
故障車站: 東鐵大學站
故障原因: 列車故障

– 新精頭壞車, 都幾震撼

6/1, 7:20 – 7:55 am
故障車站: 觀塘綫油塘站
故障原因: 架空電纜供電故障

– 假期後的星期一, 應該有唔少人拎埋星期四五假做連假, 都係6號先返工, 但都唔好又壞車啦

6/1, 8:30 – 9:41 am
故障車站: 將軍澳線
故障原因: 未能打開車門, 人流過多

– 我都係想過海姐….

7/1, 6:45 – 7:05 pm
故障車站: 東涌綫香港站
故障原因: 信號故障

– 有無搞錯, 放工先嚟壞車?

13/1, 8:01 – 10:10 am
故障車站: 荃灣綫旺角站
故障原因: 信號故障

– 有無搞錯, 返工先嚟壞車?

1389598547_d5b9

14/1, 8:18 – 10:00 pm
故障車站: 東涌綫東涌站車站大堂
故障原因: 停電

– 呢單野真係比較特別, 就係咁東涌站忽然浪漫了一個晚上

995635_737812512896362_36350505_n
話說, 最近港鐵係咪搞緊個攝影比賽呀? 三十五年前都無今日咁浪漫, 比賽早兩個月先搞我咪贏到部相機囉!

16/1 輕鐵康樂路站 – 交通意外
18/1 馬鞍山線 - 乘客誤按警鐘
(只作記錄, 不計算入故障次數)

21/1, ? – 8:15 pm
故障車站: 東鐵紅磡站
故障原因: 供電系統故障

– 就咁睇retweet內容,應該同九廣直通車有關, http://t.co/qs1qOs7zqd

22/1, 6:17 – 8:35 am
故障車站: 輕鐵塘坊村站
故障原因: 架電電纜供電故障

20140123ap06y

– 輕鐵都出事….
相關內容: 一列拖卡輕鐵列車在今早0617時,駛到塘坊村站後車頂冒煙,架空電纜同告受損,令元朗的輕鐵服務一度中斷;由於調度需時,部分輕鐵路線如 751 綫曾需多次更改運作模式。
雖然運輸署已指派九巴的車隊,加入港鐵緊急接駁巴士服務,但疏導乘客仍有困難。而肇事列車的「集電弓」已溶毀,事故起因則需進一步調查。

22/1 07:35 am
故障車站: 東鐵上水站
故障原因: 列車故障

– 於0735時,一列東鐵綫南行列車在上水站故障,需暫停服務…..唉

22/1 08:38 am
故障車站: 馬鞍山綫大圍站
故障原因: 列車機件故障

– 0838,大圍站一列馬鞍山綫列車在抵站後,因機件故障要重新啟動,但集電弓無法升起,以致未能獲取動力回廠,阻延馬鞍山綫列車服務 ~4分鐘。
…..再, 唉

27/1 港島綫金鐘站 - 人流過多
31/1 輕鐵大興南站 - 交通意外
(只作記錄, 不計算入故障次數)

 

 

二月, 2014

二月故障數量係11次

polymer_mtr2

嘩, 滿江紅….
二月嘅故障基本上由星期一到星期七(日)都有, 月頭到月尾都壞車, 比較特別嘅係西鐵綫同港鐵綫都有上榜, 而且故障皆是早上發生

1/2, 11:20 – 11:45 am
故障車站: 觀塘綫鑽石山站
故障原因: 架空電纜供電故障

– 恭喜發財, 年初二港鐵又壞車啦, 祝你地拜年要等多班車, 唔好意思喎!

題外話, 同日阿發叔等人就喺車公廟同沙田區求左支中籤, 籤文內容如下,
事業求謀且待時,若然亂動失原機,馬行千里須防倦,遠病年深不可醫"
關唔關港鐵事, 甚至同嚟緊既沙中綫(有傳鑽石山站係轉綫站)有關, 我就不得而知啦

a0202a

7/2, 7:40 – 8:25 pm
故障車站: 觀塘綫石峽尾站
故障原因: 列車故障

– 節錄: 觀塘綫一列列車在往調景嶺行駛途中,在旺角站超越停車位置而需要倒後停站。但其後列車再度在石硤尾站不能準確停車,繼續造成延誤。控制中心已指示列車在彩虹站停止服務

9/2, 11:30 am - 4:08 pm
故障車站: 東鐵大學站
故障原因: 架空電纜供電故障

– 無咩好講, 又壞車, 一圖勝千語

10la2p1

10la2p3
值得一提, 1/1 大學站已經壞過一次車, 唔信拉返上去睇下

12/2, 9:25 am
故障車站: 觀塘綫太子站
故障原因: 列車故障

– …..%$%^%$^%&^&#@

18/2 4:30 – 7:54 pm
故障車站: 東鐵粉嶺站
故障原因: 架空電纜供電故障

– 呢件事港鐵表示同 9/2 大學站的故障情況相同, 原因係由於電纜的絕緣體品質有問題所致

19la2p1

奇怪嘅係, 事故發生後港鐵話故障的絕緣體可能因為批次問題而發生故障, 又強調絕緣體係歐洲品牌製品, 但當傳媒詢問製品產地, 港鐵卻絕口不提。後來有媒體發現製品都係由中國製造後, 港鐵公司才開腔證實有問題絕緣體喺由中國製造
(主場新聞報導)

20/2 東鐵大圍站 - 人流過多
(只作記錄, 不計算入故障次數)

22/2, 1:41 – 1:50 pm
故障車站: 荃灣綫荔枝角站
故障原因: 列車故障

– 食飯時間先嚟壞車?

22/2, 2:51 - 4:14 pm
故障車站: 東鐵紅磡站
故障原因: 訊號故障

– 又係你呀? 一個月前同站先壞過一次車…

24/2, 8:10 - 8:50 am
故障車站: 西鐵屯門站
故障原因: 信號故障

– 呢件事筆者在現場, 由於信號故障在總站屯門站發生, 往紅磡各位的乘客都走唔甩, 簡而言之成個新界西北都要等多幾班車咁囉, 唔好意思喎

25/2, 8:00 – 9:10 am
故障車站: 港島線西灣河站
故障原因: 列車故障

1393287466_92e7

– 好多人都話發生咩事都好, 事不關已的話就唔好理, 做好自己就得架啦……今次終於輪到港島綫啦, 仲要係返工時間列車故障, 等睇你地等多幾班車, 做好自己再準時返工

25/2 東鐵旺角東站 - 有人闖入路軌
(只作記錄, 不計算入故障次數)

28/2, 7:25 – 8:00 pm
故障車站: 東涌綫奧運站
故障原因: 列車故障

– 東涌綫繼上次香港站信號故障後, 2月尾又壞一次了…

 

 

三月, 2014

截至9/3, 故障數目係3次

polymer_mtr3

3/3, 3:00 pm
故障車站: 西鐵綫南昌站
故障原因: 冒煙

– 港鐵指,初步發現上述列車制動器系統發生問題,未能適時完全放鬆系統零件,導致冒煙。港鐵稱,無收到傷亡及火警報告。
1393831756_70fb

6/3, 7:25 – 8:00
故障車站: 荃灣綫荔枝角站
故障原因: 火警

– 港鐵唔壞車先係新聞, 仲要係見紅 (火警)…%$^%^%*^&%#%$%
10007437_764383233572623_66380433_n

8/3, 4:45 – 7:36 pm
故障車站: 觀塘綫油塘站
故障原因: 路軌出現問題

– 上年12月尾已經出過一次事令將軍澳綫全綫停駛(大陸製C-train使高壓電纜鬆脫), 6/1 又壞電纜, 8/3 就輪到路軌有問題, 請問港鐵保養維修究竟發生左咩事?

gm__09GM007_

好啦, 是時候細數你的罪惡了

睇左呢兩個多月既數據, 有無發現每個禮拜港鐵都會壞至少一次車呢?

tran_mtrMap3_l
故障次數為24次 (原來十隻手指真係唔夠數), 平均每2.83日出現一次意外

故障最多嘅, 係長期服務中港兩地嘅東鐵綫, 其次係有中國製C-Train行駛的觀塘綫…..
今年未出現過故障嘅, 應該係得返機場快綫同迪士尼綫了

港鐵多事故, 原因有幾個, 例如購買劣質的機車, 使用劣質的零件, 維修服務外判, 載客量過多導致服務負荷高….等等。

的而且確, 有部份路綫如東鐵綫, 車體已使用多年, 在列車壽命安全及針對未來服務的需要, 增購車卡無可厚非, 但近期港鐵不斷購買中國製列車, 列車到港時已多次被踢爆出現問題, 列車質素成疑。輕鐵綫及觀塘綫分別採用購自中國南車及中國北車的新列車, 港鐵為未來沙中綫及南港島綫購買中國製列車(沙中綫), 而後者更為首次使用的自動化無人列車, 該款列車早前亦被媒體發現機件突出不合標準, 或有出軌的機會 (詳情)。機件的不穩定, 必然對整體服務構成隱性影響。

根據上月運輸及房屋局提交予立法會的文件, 當以每平方米站立4人重新計算載客率時, 會發現本港鐵路的載客量, 幾乎已經飽和, 當中將軍澳綫更出現超載。

tran_mtrMap3_l copy

再回顧上月的新聞, 政府的本港接待旅客能力評估報告中, 推算到2017年, 每年將有7,000萬人次旅客訪港, 2023年更突破1億!香港商務及經濟發展局局長蘇錦樑更指明白多旅客來港可能引起港人不便, 強調市民要同時要考慮旅遊業帶來的好處, 「可能地鐵嚟講,呢一班車未必上得到,要等多一班嘅」, 偉論令人嘩然。

根據可加可減機制, 雖然上年政府曾經與港鐵機制作出檢討, 但預計港鐵仍能有加價空間, 換言之市民仍有可能在港鐵服務日漸退步下受到車票加價影響。加上巴士路線重組在其他地區開展, 照北區巴士交通的情況推斷, 重組計劃勢將令市民工作, 外出的交通選擇更趨單一, 換言之又苦了市民。而港島南綫開通對南區的影響暫仍是未知之數, 留待日後再談。

我比較在意的是, 港鐵在每星期都發生事故, 似足保險仔熱衷"追單"的情況, 香港人何時才會把心中不滿釋放出來呢?

最後, 幫港鐵講句, 又壞車啦, 唔好意思喎!

* 港鐵故障時間等資訊取自 MTR Service Update Twitter, 圖片取自網上