few

近日由「極少數」網民自發嘅拖篋行動,由「極少數」嘅人拖篋行旺角同沙田,觸碰到「極少數」人嘅神經線。

而因為呢個拖篋行動睇咗段新聞報導,片中一位被訪女士講佢自己對呢啲「極少數」嘅睇法係咁:「我好唔鍾意呢班人囉…點解你哋啲傳媒,因為呢幾個人…咁小撮嘅人報導得咁大姐?」

上街叫口號又話阻塞交通,丟下野又話暴力、有攻擊性,而家呢一小撮人極少數嘅人就拖篋為幾百萬香港人抗議,冇得話阻交通啦,又唔暴力喇,就一句「好唔鍾意」?所以佢呢段野我都冇咩好評,因為佢成段野係冇論點,全部係發爛渣式言論。

講返極少數,中國政府同好多時都運用極少數呃自己,「只是極少數港人的意見,主流意見是…」

捐款係咁…「2013年4月30日《人民日報海外版》刊登題為《少數港人抵制賑災捐款,他們的理由站得住腳嗎?》」

舉港英旗都係咁…中國新華網2013年3月8日「《文匯報》報導,中聯辦副主任殷曉靜7日被問及有關“港人舉英國國旗”的問題時表示,相信只是少數人的行為…」

叫佢哋蝗蟲…中國環球時報2014年2月18日社評「我們相信公開罵內地遊客是“蝗蟲”的香港人只是極少數…」

呢種自欺欺人嘅行為,只有中國政府先會咁做,為嘅係令中間派真係信係「極少數」。中國政府可以繼續自欺欺人,因為咁先有機會畀我地自發性咁做呢啲極少數嘅人,極多嘅極少數就唔係極少數。

YYK