hcy_av

@ 2014/02/26

立法會議員何俊仁俾傳媒影到喺財政預算案發表期間睇J圖,引起廣泛討論。有網友發表陰謀論,指出AV仁係有難言之隱。網友指出,AV仁作為資深議員,無理由唔知樓上一路都有傳媒攝記打躉。睇J圖睇到咁出面,又有人指出佢台面上的一首詩,係想同香港人透露心跡。佢地估計,一係收左中共order,一係畀中共捉左痛腳,叫佢分散劉進圖被斬一事。難分真與假,究竟內情係點樣呢??

小編評價

拿我唔理佢有咩內情,一係就爆晒出黎,一係就趁機搞辭職公投。唔係你實繼續畀人恥笑




mtr_crowded

@ 2014/02/25

大家唔想等多一班車?地鐵有計!地鐵話,可研究將車廂內嘅座位拆除,以容納更多乘客,唔駛咁迫喎。另外又話正研究推出優惠,鼓勵啲人早啲出門,避開繁忙時間。大家又點睇呢?

小編評價

地鐵班高層年年就加人工,但智商就愈來愈低。其實而家啲列車除左輪椅位之外已經有部分車廂已經拆左座位,而家仲要拆剩低個啲位,老人家坐邊?有需要人士佢地點算?為左近合一班中國旅客,咩都做得出。




tax

@ 2014/02/22

早於2012年政府為了將住宅市場「降溫」,以行政命令推出「雙辣招」,即「加強版額外印花稅」(SSD)及「買家印花稅」(BSD),期間進行對印花稅條例草案的修定,至星期三提交立法會審議。審議期間時有爭議,例如泛民議員不滿政府只用「口頭」作出在以後對修正草案時會以「先審議後訂立」的形式之承諾,是「破壞規矩」。最後立法會在大部分泛民議員缺席下三讀通過草案。

小編評價

我唔會反對「雙辣招」,但張炳良以為用口頭承諾就可以過關,簡直係蔑視立法機關。加上你個689政府民望低劣,搵鬼信你口頭承諾?